Anna Lísa hefur bæði búið og flakkað erlendis en núna hefur hún endurnýjað sínar rætur á Íslandi. Anna Lísa er fædd og uppalin í Arizona, Bandaríkjunum, en á síðustu árum hefur hún átt heima á Íslandi. Með fyrri ferðalögum til Afríku, Asíu og Evrópu, hefur hún ferðast og kynnast nýrri menningu. Áhugi Önnu Lísu á sjósundi og náttúrulækninum veitir henni einstakt sjónarhorn á náttúrunni. Þetta er frábær blanda sem býður upp á djúpa upplifanir.  Með bakgrunni í heilbrigðisvísindum og náttúrulækningum, sem hún lærði í American College of Healthcare Sciences og einnig forritun frá Bethel School of Technology, býður hún upp á einstaka blöndu af þekkingu og reynslu sem leiðsögumaður.

Með fjölbreyttri reynslu og menntun, er Anna Lísa tilbúin til að leiða þig á spennandi ævintýri í Tanzaníu.

Edith Gunnarsdóttir er eigandi og stofnandi Ferðasetursins. Hún veit fátt betra en að ferðast og heyfa sig. Skiptir ekki máli hvenær sem er á árinu, allar árstíðar hafa sinn sjarma, líka tjaldútilegur á veturnar. Hún elskar ævintýri og ferðalög og er óhrædd við að stíga út fyrir þægindaramma og ögra sjálfri sér. "Töfrarnir og lærdómurinn gerast þegar þú stígur út fyrir þægindarmannann". Edith hefur margra ára reynslu í leiðsögn bæði erlendis og hér heima. Hún hefur mikinn áhuga á heilsueflingu með útivist og jóga og telur það jafn mikilvægt að hlúa að huganum og sálinni eins og að rækta líkamann. Hugur, líkami og sál, hin heilaga þrenning. Þar fyrir utan er hún menntuð í sálfræði og heilbrigðisvísindum ásamt því að vera með kennararéttind í jóga og jóga nidra. Hún rekur einnig Hugarsetrið.

Elinas Jackson er fæddur og uppalinn við rætur Mt. Meru fjallsins sem er staðsett í Arusha þjóðgarðinum. Hann byrjaði snemma að þvælast um óbyggðir, fjalllendi og skóga sem umkringdu hans heimaslóðir. Hann fékk strax áhuga á villtu dýralífi og hæstu fjöllum landsins sem rísa upp frá sléttum Tansaníu. Ástríða hans og tenging við náttúruna  varð til þess að hann fór í nám í leiðsögn í COLLAGE OF AFRICAN WILDLIFE MANAGEMENT MWEKA. Elinas er menntaður fjallgöngu-, og safarí leiðsögumaður og hefur margra ára reynslu í leiðsögn á hæstu tinda Tansaníu; Mt. Meru og Kilimanjaro. Hann er þekktur fyrir að vera einstaklega rólegur og yfirvegaður sem kemur sér einstaklega vel í þunna loftinu. Hann hefur einnig margra ára reynslu af leiðsögn af safaríferðum og er uppfullur af visku um dýralíf landsins.

Eyrún er eilífðar náttúrubarn sem elskar að verja tíma á fjöllum í góðum félagsskap og ein með sjálfri sér. Hún hefur ferðast víða um Ísland og hefur sérstakan áhuga á jöklum og fáfarnari leiðum, en þó er Helgafellið í Hafnarfirði alltaf í fyrsta sæti. Eyrún er ævintýrakona sem er alltaf til í flakk, fjallabras og áskoranir. Henni þykir mikilvægt að hlusta á náttúruna og bera virðingu fyrir henni og mælir með að skilja egóið eftir heima þegar farið er á fjöll. Eyrún fór í gegnum nýliðaþjálfun björgunarsveitanna fyrir nokkrum árum. En þar fyrir utan er hún menntaður lögfræðingur og þykir gott jafnvægi að leiðsegja á móti skrifstofuvinnunni. Hún hefur starfað sem fjallaleiðsögumaður í á fimmta ár hér heima og næst á dagskrá er að fikra sig út í ferðir erlendis. 

​

Hafrún er alin upp á Siglufirði með sjóinn og fjalladýrðina í kringum sig alla sína æsku. Hún uppgötvar þó ekki frelsið í fjöllunum fyrr en 2018 og hafa göngur og útivist átt hug hennar allan síðan þá. Hvort sem það eru göngur á flatlendi, lítil fell og fjöll eða meira krefjandi tindar þá líður henni best í gönguskónum með góðan félagsskap, gleði, hlátur og bros í för. Tjaldútilegur eru einnig stór partur af útivistartilveru Hafrúnar allan ársins hring og sefur hún hvergi betur en í tjaldi. Útivistarbrasið leiddi Hafrúnu í leiðsögunám sem senn klárast og mikil tilhlökkun fyrir því nota þá þekkingu í öll þau ævintýri sem náttúran býður upp á hérlendis og erlendis

.

​

​

​

​

Villimey Líf er þroskaþjálfi, leiðsögukona og skaðaminnkunarsinni. Hún hefur alla tíð verið íþróttakona og hefur hún tileinkað lífinu við hreyfingu frá því að hún var barn. Útivist varð ekki partur af lífinu hennar Villimeyjar fyrr en árið 2020 þegar hún fór að ferðast ein um Ísland á húsbíl sem hún bjó til sjálf. Óhætt er að segja að lífið hennar tók u-beygju þá. Nú hefur Villimey Líf stundað fjallamennskunám, farið í ófá leiðangra á jöklum og á hálendinu, ferðast um heiminn ein með bakpokann sinn og lagt mikið á sig að læra nýja hluti þegar kemur að útivist. Villimey Líf veit hvernig það er að taka fyrstu skrefin sín í útivist á fullorðinsárum og hvetur öll til þess að byrja að taka sín fyrstu skref. Ásamt því að vera leiðsögukona þá vinnur hún að því að bæta mannréttindi þeirra einstaklinga sem búa við heimilisleysi og þeirra sem eru með þungan vímuefnavanda

​

Þóra er náttúruunnandi sem finnst best að blanda saman hreyfingu við ævintýraferðir. Þóra elskar ekkert meira en að vera í náttúrunni og kynnast nýjum stöðum og fólki frá ólíkum menningarheimum. Sem leiðsögkona býður hún upp á einstaka upplifanir þar sem hreyfing og ferðalög sameinast í fullkominni samvinnu.  Þátttaka hennar í fjölbreyttum verkefnum undanfarin ár hvort sem það er að leiða hópa um hálendi Íslands, ganga eða hjóla erlendis hefur veitt henni dýpri skilning og gerir hana að einstakri leiðsögukonu með mikla reynslu af ferðalögum. Með ævintýralegum hreyfiferðum út um allan heim hefur Þóra verið fararstjóri á framandi slóðum. Með fjölbreyttri reynslu af leiðsögn bæði heima og erlendis, býður Þóra upp á innblástur og áhugaverðar upplifanir sem eru aðgengilegar öllum sem þrá að upplifa heiminn á nýjan og spennandi hátt.

​

Tanja er nemi við lögfræði í Háskólanum í Reykjavík. Þótt Tanja sé ekki mikið í feltinu þá er hún mikilvægur hlekkur í keðjunni. Heilsa og hreyfing er ofarlega í huga hennar á milli þess sem hún les lög landsins.