top of page
hornstrandir_58P1711-1_edited.jpg

Lúxus í Hlöðuvík: Göngur, jóga og bíó

22. júlí 2026
4 dagar
149.000 kr

Komdu með í einstaka ferð þar sem kyrrð ósnortinnar náttúru, hreyfing, hugarró og kvikmyndalist renna saman í eitt. Hlöðuvík býður upp á ógleymanlega upplifun á einum af dularfyllstu og fallegustu stöðum landsins.

 

Við byrjum daginn á mildum jógaæfingum sem vekja líkamann og stilla hugann fyrir komandi ævintýri. Eftir dýrindis morgunverð leggjum við af stað í göngu þar sem við njótum útsýnisins yfir fjöll, dali og ósnortin víðerni Hornstranda.

 

Lögð er áhersla á hæfilegan gönguhraða svo allir fái notið hverrar stundar. En dagarnir eru mislangir og mis krefjandi. 

​​

Kvöldin eru tileinkuð slökun með endurnærandi jóga og hugleiðslu sem hjálpa þér að tengjast sjálfum þér og náttúrunni enn dýpra. Gist er í húsum á svæðinu þar sem kyrrðin og fegurðin skapar fullkomið umhverfi fyrir hvíld og endurnýjun.

​​

Við mælum með að þátttakendur hafi almenna útivistargetu og séu í gòðu líkamlegu formi.

​​

Komdu með okkur og upplifðu einstaka náttúru þar sem friðsældin og stórbrotið landslag sameinast í ógleymanlegri ferð sem endurnærir bæði líkama og sál.

​​​​​

Greiða þarf staðfestingargjald til að festa sæti við bókun, staðfestingargjaldið er 39.000 kr og er óendurkræft. Til að fá frekari upplýsingar er hægt að senda póst á ferdasetrid@ferdasetrid.is

​​

​​Fararstjórn: Edith Gunnarsdóttir, Elinas Jackson og Gunnar Ingi Halldórsson

​​

Verð: 149.000 kr

​​​

Innifalið

  • Undirbúningsfundur

  • Sigling frá Ísafirði í Hornvík

  • Sigling frá Hesteyri til Ísafjarðar

  • Gisting í 3 nætur í húsum

  • Morgun- og kvöldverður

  • Grillveisla

  • Bíó - Hornstrandir Film Festival Eyja 

  • Kaffi, te og kakó

  • Jóga (fer eftir veðri)

  • 3 Fararstjórar

​​​​​

Ekki innifalið

  • Akstur í Bolungarvík

  • Nesti í göngum

  • Forfallatrygging

  • Ferða og slysatrygging

​​​

​​​

​​​

Dagskrá ferðar – Júlí 2026

​​​

Dagur 1 – 22. júlí - Ísafjörður → Hornvík

Hópurinn hittist á Ísafirði Siglt með farangur í Hlöðuvík en hópurinn fer úr bátnum í Hornvík. 

 

Við hefjum gönguna í Hornvík, umlukin háum björgum og dramatískum strandlínum sem teljast með þeim fegurstu á Íslandi. Við göngum upp á milli víkna þar sem við njótum stórfenglegs útsýnis yfir Hornbjargið, fuglalífið og hafið sem breytir litum eftir birtu og veðri. Við göngum niður í Hlöðuvíkina þarna má finna kyrrð sem erfitt er að lýsa með orðum. Í Hlöðuvíkinni komum við okkur fyrir, slökum á eftir daginn og njótum þess að vera komin á einn friðsælasta stað Hornstranda. Gong slökun í lok dags.
​

  • Gönguvegalengd: 12 km

  • Hækkun: 600 m

  • Tími: ca. 6 klst

​​

Innifalið: Sigling og trúss á farangri · Gisting í húsum  · Gong slökun · Kvöldmatur

​​​

Dagur 2 – 23. júlí - Hlöðuvík → Hælavíkurbjarg

Eftir morgunmat göngum við á Hælavíkurbjarg. Á Hælavíkurbjargi bíður okkar eitt tilkomumesta sjávarbjarg Íslands – háar brúnir, fuglalíf og víðátta sem tekur andann frá manni. Gong slökun í lok dags

​​

  • Gönguvegalengd: 18 km

  • Hækkun: 700 m

  • Tími: ca. 9 klst

​​

Innifalið: Gisting í vita · Morgunmatur  · Gong slökun · Kvöldmatur

​​

Dagur 3 – 24. júlí - Hlöðuvík → Hælavík → Bíó

Eftir morgunverð göngum við í Hælavík. ​Stutt, falleg en fjölbreytt leið milli tveggja af kyrrlátustu víkum Hornstranda. Þegar haldið er niður í Hælavík opnast víðáttumikið útsýni yfir strandlengjuna og hafið. Í lok göngu er tilvalið að skella sér í sjósund áður en við förum í Gong slökun undir berum himni. Seinni partinn fáum við að sjá myndina Eyja - Hornstrandir Film Festival

​

  • Gönguvegalengd: 6 km

  • Hækkun: 450 m

  • Tími: ca. 4 klst

​​

Innifalið: Gisting í húsi · Morgunmatur · Gong slökun · Bíó · Grillveisla

​​

Dagur 4 – 19. júlí - Hlöðuvík → Hesteyri → Ísafjörður

Eftir morgunmat pökkum við saman dótinu okkar og skiljum það eftir, trúss á farangri til Ísafjarðar. Göngum frá Hlöðuvíl til Hesteyrar, falleg leið sem sameinar dali, fjallaskörð og söguríkt svæði við Hesteyri. Gönguleiðin býður upp á víðáttumikið útsýni yfir dali og fjöll Hornstranda áður en gengið er niður í Hesteyri

​​

  • Gönguvegalengd: 17 km

  • Hækkun: 650 m

  • Tími: ca. 8 klst

​​

Innifalið: Sigling · Trúss á farangri · Morgunmatur 

bottom of page