Upplifðu einstaka náttúrufegurð í lúxusgönguferð um Mont Blanc

Komdu með okkur í ógleymanlega ferð um vinsælustu gönguleiðir Evrópu við hinn tignarlega Mont Blanc. Í þessari ævintýra- og lúxusferð göngum við yfir landamæri Frakklands og Ítalíu og heimsækjum sjarmerandi alpabæi á borð við Courmayeur, Chamonix og Les Chapieux.

Ferðin býður upp á krefjandi en einstakla fallegar gönguleiðir þar sem við njótum óviðjafnanlegs útsýnis yfir jökla, djúpa dali og hinn tignarlega Mont Blanc fjallgarð. Á hverjum degi göngum við fallegustu leiðir Tour du Mont Blanc (TMB) gönguhringsins að okkar mati – yfir há fjallaskörð, um grösug dalverpi og með Mont Blanc sem stöðugan félaga í fjarska.

 

Lúxus, þægindi og stórkostlegar gönguleiðir

Þetta er ferð fyrir göngufólk sem vill njóta bæði náttúrunnar og góðrar aðstöðu á kvöldin. Gist er á vönduðum hótelum, mörgum með spa og farangur er trússaður á milli staða (nema eina dagleið). Akstur milli Frakklands og Ítalíu er í einkarútu og í lok ferðar er tilvalið að njóta 5 stjörnu spa á þremur hæðum í Chamonix með einstöku útsýni yfir Mont Blanc.

​

Gisting í ferðinni

• 1 nótt á fjallahóteli á Ítalíu með morgunmat og kvöldmat

• 1 nótt á fjallahóteli í St. Maurice í Frakklandi með morgunmat

• 1 nótt á hóteli í St. Gervais í Frakklandi með morgunmat

• 4 nætur á hóteli í Chamonix Frakklandi með morgunmat

​​

Þetta eru langar og krefjandi dagleiðir og því þarf fólk að vera í góðu formi. Þótt farangur sé trússaður eru sumar göngurnar langar með mikla hækkun.

​​

Þetta er fullkomin ferð fyrir þá sem vilja sameina krefjandi gönguleiðir og þægindi - ferð þar sem hvert skref leiðir þig inn í nýja fjallaperlu.

​​​

Hápunktar ferðarinnar

• Ótrúlegt útsýni yfir Mont Blanc fjallgarðinn

• Chamonix og Courmayeur – fallegustu alpabæir Evrópu

• Lac Blanc – eitt fallegasta fjallavatn Alpanna

• Fjallaskörðin:

  • Col de Tricot – 2.120 m

  • Col du Bonhomme – 2.329 m

  • Col du Croix du Bonhomme – 2.443 m

  • Col du Seigne – 2.516 m

• Gengið yfir landamæri Frakklands og Ítalíu

​​

Verð og bókun

Verð: 449.000 kr. (miðað við tvíbýli)*
Aukagjald fyrir einbýli: 80.000 kr.

​​​

Til að tryggja sæti þarf að greiða staðfestingargjald 49.000 kr. Lokagreiðsla, 400.000 kr, greiðist fyrir 28. maí 2025. Hægt er að skipta greiðslum niður.

​​​

Frekari upplýsingar: ferdasetrid@ferdasetrid.is

​​​​

Lágmarksfjöldi: 16
Hámarksfjöldi: 24

​​

Fararstjórar: Hafrún Dögg Hilmarsdóttir og Jóhanna Fríða Dalkvist

​​​​​

Innifalið í verði

• Undirbúningsfundur

• Flug með Icelandair til og frá Sviss

• 1× 10 kg handfarangur + 1× 23 kg innrituð taska

• Akstur til og frá flugvelli

• Einkarúta á milli hótela og upphafsstaða gangna

• Einkarúta frá Ítalíu og aftur til Frakklands

• Trúss á farangri milli gististaða

• Kláfar á göngudögum

• Gisting samkvæmt dagskrá

• Tveir fararstjóra

​​​

Ekki innifalið

• Ferða-, slysa- og farangurstryggingar

• Forfallatrygging

• Allur matur sem ekki er sérstaklega nefndur

• Aðgangur í spa og kláfa á frídegi

• Þjórfé

​​

Dagskrá ferðarinnar

 ​

Dagur 1 – Þriðjudagur 28. júlí - Ferðadagur

​​

Morgunflug með Icelandair til Sviss. Akstur í einkarútu til Chamonix, þar sem við dveljum á 4 stjörnu  hóteli.
 

Innifalið: Akstur og gisting með morgunmat.

​​

Dagur 2 – Miðvikudagur 29. júlí - Chamonix - Les Contamines

​​

Eftir morgunmat tökum við strætó til Les Houches og förum upp með Bellevue-kláfnum í 1.800 m hæð. Þaðan göngum við yfir Col de Tricot (2.120 m) og niður til Les Contamines. Akstur og gisting í St. Gervais á 4 stjörnu hóteli
 

Ganga: 13 km | +700 m | ~8 klst
 

Innifalið: Gisting, morgunmatur, akstur, trúss á farangri og leiðsögn.

​​

Dagur 3 – Fimmtudagur 30. júlí - Les Contamines - Les Chapieux

​​

Gengið inn Montjoie-dalinn og yfir tvö há fjallaskörð: Col du Bonhomme (2.329 m) og Col du Croix du Bonhomme (2.443 m). Við endum daginn í síma- og netsambandslausu Les Chapieux – einni fallegustu leið ferðalagsins. Akstur og gisting á fjallhóteli
 

Ganga: 18 km | +1.400 m | ~9 klst
 

Innifalið: Gisting, morgunmatur, akstur, trúss á farangri og leiðsögn.

​​

Dagur 4 – Föstudagur 31. júlí Frakkland - Ítalía

​​

Akstur að Ville des Glaciers þar sem við hefjum göngu upp á Col de la Seigne (2.516 m), landamærum Frakklands og Ítalíu. Útsýnið yfir Mont Blanc og Aiguille Noire er stórkostlegt. Hádegismatur á Rifugio Elisabetta og gisting í nálægum fjallaskála sem er að okkar mati einn sá besti á gönguleiðinni með einstaklega fallegt sólsetur á landamærunum
A.T.H Þetta er eini dagurinn án trúss á farangri.

​

Ganga: 12 km | +1.000 m | ~8 klst

​​

Innifalið: Gisting, morgun- og kvöldmatur og leiðsögn.

​​

Dagur 5 – Laugardagur 1. ágúst - Combal - Courmayeur - Chamonix

​​

Eftir morgunmat göngum við niður til Courmayeur. Þar bíður einkarúta sem fer með okkur í gegnum Mont Blanc-gönginn til Chamonix. Gisting í 4 stjörnu hóteli með spa næstu þrjár nætur.

​​

Ganga: 12 km | +400 m | ~4 klst

​​

Innifalið: Gisting, morgunmatur, akstur og leiðsögn.

​​

Dagur 6 – Sunnudagur 2. ágúst - Le Brévent - Lac Blanc - Chamonix

​​

Við förum upp á Le Brévent (2.526 m) og njótum útsýnis yfir Mont Blanc. Þaðan göngum við yfir hlíðar Chamonix og að hinum frægu fjallavötnum Lac Blanc og Lac Cheserys. 

​​

Ganga: 14 km | +800 m | ~7 klst

​​

Innifalið: Gisting, morgunmatur og leiðsögn.

​​

Dagur 7 – Mánudagur 3. ágúst - Frjáls dagur í Chamonix

​​

Fullkominn dagur til að slaka á í spa, skoða bæinn eða fara upp í Aiguille du Midi (ca. 4.000 m). Lokakvöldverður um kvöldið.

​​

Innifalið: Gisting og morgunmatur.

​​

Dagur 8 – Þriðjudagur 4. ágúst - Ferðadagur 

​​

Akstur á flugvöll í Sviss og flug með Icelandair til Íslands.

​​

Innifalið: Morgunmatur og akstur á flugvöll.