Sumarsólstöður er sá tími þegar sól fer lengst frá miðbaug himins til norðurs eða suðurs og ber ýmist upp í kringum 20-22 júní. Við sumarsólstöður sest sólin ekki á stöðum norðan við norðurheimskautsbaug og markar miðsumarið: „lengsti dagur“ og „stystu nótt“ ársins. Haldið hefur verið upp á þau tímamót sem sumarsólstöður eru frá fornu fari í flestum menningarsamfélögum þó með misjöfnum hætti.

 

Ferðasetrið ætlar í tilefni þess að fara í miðnæturgöngu á Snæfellsjökul Við byrjum göngu við Jökulhálsinn, stefnum á að vera á toppnum um

miðnætti og þar ætlum við að njóta besta útsýnis sem jökulinn býður upp á, á þessum árstíma.

​

Ferðin hentar fólki í meðal fjallgönguformi og er frábær leið til að kynnast jöklagöngu og upplifa ósnortið vetrarlandslag Íslands. Fyrir þau ykkar sem hafið ekki farið á jökla áður, þá bendum við á Vetrarfjallamennsku námskeiðið okkar. Hægt að lesa hér

​​

Farþegar koma sér sjálfir á upphafsstað göngu á einkabílum. Hópurinn hittist á Arnarstapa kl.19.00 þar sem farið verður yfir öryggis atriði. Við keyrum síðan í samfloti að jökulhálsinum þar sem gangan byrjar kl. 20. Við verðum aftur á bílastæðinum um kl. 4.00.

​​

A.T.H að í þessari göngu þarf jöklabrodda, belti með læstri karabínu og ísöxi (hægt að fá leigt).

​​

Vegalengd 10 km, uppsöfnuð hækkun er 1000 metrar og tekur um 8 klst.

Þátttakendur verða að vera í startholunum dagana 15 - 16. júní, því við veljum að sjálfsögðu besta veðrið. Við förum ekki á jökulinn ef veðið er ömurlegt og ekkert ústýni. Þátttakendur fá endurgreitt ef hætt verður við ferðina á jökulinn vegna veðurs. Sjá myndir úr fyrri ferðum hér fyrir neðan.

​

Lágmarks fjöldi er 14, hámark 28 

 

Fararstjórn: Edith Gunnarsdóttir og aðrir fararstjórar Ferðasetursins

​

Verð 19.900 kr.*

​​

*Innifalið: Leiðsögn