​​​Laugardagsfjör ætlar að ganga á Heiðarhorn laugardaginn 7. febrúar.​​​​Gangan er krefjandi  og aðeins fyrir vana göngumenn og alls ekki fyrir lofthrædda. Gangan er 11-12 km, uppsöfnuð hækkun er 1.000 m og tekur um 7/8 klst.

​​​

Gönguferð á Skarðsheiði og hæsta tindi hennar, Heiðarhorn 1.054 m.y.s. Gangan býður upp á stórbrotið útsýni þegar ofar dregur og af tindinum blasir víðsýni í allar áttir, bæði yfir nærsveitir og fjöll í nágrenninu. Þetta er því sannkölluð útsýnisferð.

​

Skarðsheiði er fjall eða fjalllendi í Hvalfjarðarsveit og Skorradal milli Borgarfjarðar og Hvalfjarðar. Þekktir tindar hennar eru hið snarbratta og píramídlaga Skessuhorn, Skarðshyrna og Heiðarhorn sem er hæsti tindurinn; 1.054 metrar. Fræðimenn í jarðvísindum telja aldur Skarðsheiðar allt að 5 milljón ár. 

​

​​​​​​​​​​​​​

Lýsing á ferðinni: Gönguferðin byrjar í um 100 metra hæð, við Efra Skarð og gengið inn Svínadal. Leiðin er brött og því gengið á hóflegum hraða. Tvö nestistopp eru á dagskrá ásamt nokkrum styttri hvíldum. Leiðin er nánast öll beint á fótinn og efsti hluti leiðarinnar er brattur og ALLS ekki fyrir lofthrædda. Gönguleiðin er c.a 11-12 km og 1000  metra hækkun. Leiðin upp á topp tekur um 4 klukkustundir og heildar göngutími gæti verið 7/8 klst. ​​

​​

Erfiðleikastig: Ferðin hentar þeim sem eru í góðu gönguformi og treysta sér í langan og krefjandi dag á fjöllum. Þetta er ekki gönguferð fyrir byrjendur. Það þarf að vera með esjubrodda, jöklabrodda og ísöxi (hægt að leigja í GG Sport).

​​​

Veðurspá: Nánari veðurspá verður send þegar nær dregur. A.T.H það verður ekki farið nema veðrið verði gott - Laugardagsfjör þegar vel viðrar til fjalla.

​​​

Upplýsingar: Hópurinn hittist og keyrir í samfloti að upphafsstað göngu. Hægt að nota viðburð sem er inni á FB hóp til að athuga með far.

​

Hægt er að sækja um aðgang að FB hópnum hér:

​

https://www.facebook.com/groups/2763385667169779/

​​

Eftir að þátttakandi hefur bókað kemur tölvupóstur með nánari upplýsingum um ferðina fimmtudaginn 5.2. Ef veðurspá verður ekki góð þá fá þátttakendur endurgreitt. Ef hætt er við ferð þá er það tilkynnt inni á viðburði á FB hópnum​

​​

Fyrir nánari upplýsingar er hægt að senda póst á ferdasetrid@ferdasetrid.is​​​ ​​​​​

​

Fararstjóri: Sara Björg Pétursdóttir

​​

Verð 9.900 kr.* - Lokað verður fyrir skráningu föstudaginn 6.2 kl.12

​​

*innifalið: leiðsögn