Komdu með í fjölbreytta og skemmtilega gönguferð um eitt fallegasta útivistarsvæði höfuðborgarsvæðisins. Við leggjum af stað frá Jósepsdal og göngum um hrjóstrugt en heillandi fjallaland þar sem víðáttumikið útsýni blasir við í allar áttir.

​

Á leiðinni göngum við á Sauðdalahnúka, Ólafsskarðshnúk, eftir Bláfjallahrygg og yfir Bláfjallahnúka áður en haldið er á hið tignarlega Vífilsfell, eitt af einkennisfjöllum suðvesturhornsins. Frá hæstu punktum leiðarinnar njótum við stórbrotins útsýnis yfir höfuðborgarsvæðið, Reykjanesskaga, Hengilssvæðið og inn til hálendisins þegar skyggni leyfir.

​

Leiðin býður upp á fjölbreytt landslag, hækkun og lækkun, fallega hryggi og nokkra fjallstoppa sem gera þessa göngu að sannkölluðu ævintýri fyrir útivistarfólk. Þetta er kjörin ferð fyrir þá sem vilja kynnast Bláfjallasvæðinu frá nýju sjónarhorni og njóta dags í góðum félagsskap úti í náttúrunni.

​

Gönguvegalengd: 16 km
Göngutími: 9 klst.
Uppsöfnuð hækkun: 1.200 m
Erfiðleikastig: Ferðin hentar þeim sem eru í góðu gönguformi og treysta sér í langan og krefjandi dag á fjöllum. Þetta er ekki gönguferð fyrir byrjendur. 

​​​​​​​​​​​​​​​​​​​​​​

​​​Upplýsingar: Hópurinn hittist og keyrir í samfloti að upphafsstað göngu.

​​

Eftir að þátttakandi hefur bókað kemur tölvupóstur með nánari upplýsingum um ferðina fimmtudaginn 11.6. Ef veðurspá verður ekki góð þá fá þátttakendur endurgreitt. Ef hætt er við ferð þá er það tilkynnt inni á viðburði á FB hópnum​

​​​

Fyrir nánari upplýsingar er hægt að senda póst á ferdasetrid@ferdasetrid.is​​​ ​​​​​

​​

Fararstjóri: Edith Gunnars og Elinas Jackson

​​​

Verð 8.900 kr.* - Lokað verður fyrir skráningu föstudaginn 12.6 kl.16

​​​

*innifalið: leiðsögn