Föstudagsfjör á Esjunni er gönguverkefni þar sem við ætlum að kynnast gönguleiðum á Esjunni betur. Allar göngurnar verða á föstudagsmorgnum kl. 9 eða 10. Gengið verður einu sinni í mánuði og göngurnar verða 10 talsins.

​

Föstudaginn 2.2 kl.10 göngum við inn Blikdalinn á Esjunni. Gangan er 14 km, 500 metra hækkun og tekur um 5-6 klst. 

​

Dalurinn er lengstur Esjudala eða um 7 km að lengd og er um 2 km. breiður milli fjallsbrúna um miðjan dal, en þrengist nokkuð þegar innar dregur og dýpkar þar sem hann klýfur Há-Esjuna milli Dýjadalshnjúks og Kerhólakambs. Svo virðist sem fjöllin á báðar hendur hækki, en í raun og veru hækkar dalurinn jafnt og þétt inn í dalbotn. 

​

Brottför frá KFC Mosfellsbæ kl. 9.30 á einkabílun. Við byrjum göngu kl. 10 við viktarplanið áður en farið er í Hvalfjarðargöngin

​​

Fararstjórn: Rakel Magnúsdóttir og Stefán Guðleifsson

​

Verð: 4.900 kr​