Ferðatilhögun

​​

Dagur 1. 6. ágúst – Ferðadagur

Flug til Tansaníu

 

Dagur 2. 7. ágúst – Velkomin til Tansaníu 

Við byrjum daginn rólega – komum okkur fyrir á hótelinu og njótum dásamlegs morgunverðar í friðsælu umhverfi. Hótelið er staðsett á grónu og friðsælu svæði og býður upp á notalega sveitastemningu með einstökum stíl – þar sem þægindi, náttúra og hlýlegt andrúmsloft skapa fullkomið andrými eftir ferðalög eða fyrir komandi ævintýri.

​

Dagur 3.  8. ágúst– Skoðunarferð og kaffirækt

Uppgötvaðu lífið og menninguna í hjarta Arusha með einstakri upplifun. Við hefjum daginn á skoðunarferð um miðbæinn þar sem þú færð innsýn í daglegt líf heimamanna og heimsækir líflegan markað fullan af litum, ilmi og stemningu.

​

Að því loknu höldum við í sérstaka upplifun sem nefnist „frá bónda í bolla“. Þar heimsækjum við 100% lífræna kaffirækt og kynnumst öllu ferlinu – allt frá ræktun baunanna til þess þegar kaffi er borið fram í bollanum þínum. Þú færð að sjálfsögðu að smakka ferskt, ilmandi kaffi beint frá upprunanum.

Ferðinni lýkur með ljúffengum hádegisverði að hætti heimamanna þar sem þú færð að njóta ekta bragða úr heimabyggð.

 

Dagur 4. 9. ágúst– Arusha þjóðgarðurinn

Eftir dásamlegt morgunverðarhlaðborð á hótelinu keyrum við af stað í safarí. Við byrjum safaríið á hásléttum Arusha þjóðgarðsins, við rætur hins undurfagra Mount Meru. Þar hefst ævintýrið með örstuttri göngu yfir gróðursælar sléttur þar sem við komumst í einstakt nálægð við villt dýr á þeirra eigin heimavelli. Gíraffar teygja sig í trjátoppana rétt við okkur. Buffalóar fylgjast grannt með úr fjarska. Apar leika sér í trjánum og kalla hver á annan og auðvitað mætum við Pumba – vinalega viskukollinum úr skóginum! Náttúran tekur á móti okkur með opnum örmum og þetta er aðeins byrjunin. 

​​​

Dagur 5. 10. ágúst – Tarangire þjóðgarðurinn

Eftir morgunmat þá keyrum við í Tarangire þjóðgarðinn. Tarangire er paradís fyrir dýraunnendur. Þar er að finna einn stærsta fílastofn Austur-Afríku, og á þurrkatímanum safnast hundruðir fíla saman við Tarangire-ána sem rennur í gegnum garðinn. Auk fíla má sjá ljón, hlébarða, gíraffa, sebrahesta og fjölda antilóputegunda, ásamt yfir 500 fuglategundum sem gera svæðið að sannkallaðri himnaríki fuglaáhugafólks.

​

Eftir ævintýralega heimsókn í þjóðgarðinn keyrum við upp á hásléttur Karatu, þar sem við munum dvelja næstu tvær nætur á einstöku sjálfbærnu hóteli. Þetta hótel er meira en bara gististaður – það er sannkölluð upplifun fyrir þá sem kunna að meta náttúru, sjálfbærni og þægindi. Allt hráefni sem notað er í matargerðina er ræktað á staðnum, og maturinn er í hæsta gæðaflokki, undir áhrifum „slow cooking“ þar sem áherslan er á ferskleika, bragð og gæði. Hver máltíð verður sannkölluð veisla fyrir bragðlaukana. Þjónustan á hótelinu er persónuleg og framúrskarandi, og hver dagur endar með stórkostlegu sólsetri sem lýsir himininn með rauðum, appelsínugulum og gylltum tónum – upplifun sem fyllir hjartað friði.

​​

Dagur 5. 11. ágúst – Ngororngoro - Heimslistaskrá UNESCO

Eftir ljúffengan morgunmat leggjum við af stað inn á Ngorongoro náttúruverndarsvæðið, sem er skráð á heimsminjaskrá UNESCO. Þetta svæði er einstakt á heimsvísu og þekkt fyrir stærsta gíg í heimi, þar sem villt dýr og menn lifa saman í sátt og samlyndi – staður sem fangar bæði fegurð og kraft náttúrunnar. Við byrjum daginn á heimsókn í þorp Massai ættbálksins sem hefur varðveitt sínar fornu hefðir og kýs að lifa án allra nútímaþæginda. Hér fáum við innsýn í lífsstíl þeirra, menningu og siði sem gefur ferðinni einstakan menningarlegan blæ. Að heimsókn lokinni keyrum við niður í hið stórfenglega Ngorongoro-gíg, þar sem náttúran opinberar sig í sinni allra bestu mynd.

​

Þessi einstaka staður er heimili ótrúlega fjölbreytilegs dýralífs. Hér fáum við tækifæri til að sjá ljón, buffalo, sebrahesta, nashyrninga, flamingóa, hlébarða, flóðhesta og fleiri tegundir í sínu náttúrulega umhverfi. Ef heppnin er með okkur getum við jafnvel séð öll „The Big 5“ – ljón, nashyrning, fíla, hlébarða og buffala – í einni heimsókn.

 ​​​

Dagur 6. 12. ágúst– Listagallerí og flug til Sansibar

Við tökum þennan dag með ró – njótum morgunverðar með stórkostlegu útsýni yfir náttúruna og fjallasýnina í fjarska. Við pökkum saman og dagurinn heldur áfram í léttum og listrænum tónum þegar við heimsækjum fallegt listagallerí, þar sem við fáum innsýn í menningu, handverk og sköpunarkraft heimamanna. Litir, form og sögur blandast saman og skapa innblástur og notalega stemningu – fullkomið jafnvægi við afslappaðan morguninn.

​​

Eftir heimsókn á listagalleríið höldum áfram ferð okkar og keyrum á flugvöllinn í Arusha og fljúgum til paradísareyjunnar Sansibar. Við lendingu bíður okkar loftkæld rúta sem keyrir okkur á norðurhluta eyjarinnar, þar sem paradís bíður með sínum hvítu ströndum og tærbláa sjónum. Þessi dagur er fullur af upplifunum sem tengja saman ævintýri, menningu og afslöppun – hinn fullkomni millikafli á leið til draumaeyju.

 

Paradísareyjan Sanzibar – Fullkomin slökun í Indlandshafi. Eftir ævintýralega safaríferð er dásamlegt að slaka á í þessu nærandi umhverfi, þar sem allt snýst um afslöppun, vellíðan og fegurð. Það er um að gera að nýta daginn til að njóta alls þess sem hótelið hefur upp á að bjóða og uppgötva þetta stórkostlega svæði. Á hótelinu er allt innifalið – matur, drykkir og fjölbreytt afþreying. Hótelgarðurinn er til fyrirmyndar, með útpældu landslagi og rólegri stemningu sem umlykur gesti. A.T.H þetta er nýtt hótel sem opnaði 2026.

​​​​

Dagur 7 - 12. 13 - 17. ágúst - Sansibar frjáls tími

Frjáls dagur til að njóta Sansibar. Eftir að hafa endurnært líkama og sál með slökun og hvíld er tilvalið að nýta þennan dag til að skoða allt það sem Sansibar hefur upp á að bjóða. Eyjan er ekki aðeins þekkt fyrir stórkostlegar strendur heldur líka fyrir ríka sögu og menningu – og er fæðingarstaður tónlistargoðsagnarinnar Freddie Mercury.

Hér er úrval af spennandi afþreyingu:

• Siglingar á glitrandi hafinu, þar sem þú getur notið sjávarlofts og útsýnis.

• Stone Town, höfuðstaður Sansibar og heimsminjaskrá UNESCO, býður upp á heillandi gönguferðir um þröng stræti, markaði og sögulega staði.

• Freddie Mercury safnið, þar sem þú færð innsýn í líf þessa heimsfræga tónlistarmanns.

• Prison Island, þar sem þú getur séð risaskjaldbökur og notið útsýnis yfir tæran sjó.

• The Rock veitingarstaðurinn, einstakur staður sem stendur á kletti úti í sjónum og býður upp á dásamlega máltíð í óviðjafnanlegu umhverfi.

• Fiðrildabúgarður, þar sem litríkar fiðrildi dansa um í gróðursælum garði.

• Kryddskoðunarferðir, þar sem þú lærir um ræktun hinna heimsþekktu krydda eyjunnar.

• Synda með höfrungum, einstakt tækifæri til að komast í návígi við þessi heillandi sjávarspendýr.

Þetta er aðeins hluti af því sem Sansibar hefur upp á að bjóða. Næstu daga færðu tækifæri til að kanna eyjuna á eigin forsendum, fylla hann af ævintýrum eða einfaldlega halda áfram að njóta afslöppunar í þessari paradís. Veldu þína leið – Sansibar er fullkomin blanda af hvíld og ævintýri.

​​​​​

Dagur 13. 24. 18. ágúst – Sansibar - Arusha

Eftir morgunmat er komið að kveðjustund við þessa stórkostlegu paradísareyju og við höldum út á flugvöll til að fljúga aftur til Arusha. Eftir að við lendum í Arusha förum við aftur á sama hótel og í byrjun ferðarinnar. Lokakvöldverður á hóteli í Arusha og kvöldið er tilvalið til að slaka á, endurspegla ferðalagið og pakka saman fyrir flugdaginn eftir. Þetta er góð stund til að njóta lokakaflans í ferð sem hefur verið fyllt af ævintýrum, slökun og minningum sem vara að eilífu.

​​​

Innifalið: Allt innifalið á hóteli á Sansibar, matur, drykkir og sjósport. Gisting á hóteli í Arusha með morgunmat

​​​

Dagur 13. 19. ágúst - Ferðadagur

Ferðadagur flug til Ísland

​

Dagur 14. 20. ágúst - Ísland

​

​

Mikilvægar upplýsingar

Bólusetningar og lyf: Mikilvægt er að hafa samband við heilsuhægslustöð varðandi bólusetningar og lyf. Einnig er hægt að hafa samband við Vinnuvernd/Ferðavernd og bóka viðtal /ráðgjöf vegna bólusetningar hægt að sjá hér:

https://www.vinnuvernd.is/en_GB/bolusetningar-ferdalog

​

Vegabréf: Þarf að vera í gildi 6 mánuði eftir að viðkomandi lendir í Tansaníu

​​

Vegabréfsáritun: Sækja þarf um vegabréfsáritun til Tansaníu. Það tekur c.a 5 - 10 daga. Viðkomandi fyllir út umsókn á netinu (sér umsókn fyrir maka og börn). Með umsókn þarf að fylgja passamynd(má vera tekin á síma eða af FB), mynd af vegabréfi og flugmiði(pdf skjal). Hægt að sækja um hér:

https://visa.immigration.go.tz/