Epískt ferðalag um Himalaya – Gönguferð í grunnbúðir Everest um Gokyo vötnin
13. október 2025
13 dagar
449.000 kr
Gönguferð í grunnbúðir Everest um Gokyo vötnin er epískt ævintýri í gegnum hjarta Himalaya-fjallgarðsins. Einstök leið sem er mun fáfarnari en hefðbundna leiðin og er meira krefjandi. Þessi hringferð sameinar stórbrotna náttúru, menningarlega dýpt og hrífandi landslag sem aðeins fáar leiðir í heiminum bjóða upp á. Hæg að horfa á kynningarfundinn hér
Menning og líf Sherpa-fólksins
Á leiðinni munt þú heimsækja fagur þorp og klaustur þar sem menning Sherpa-fólksins lifir í sinni tærustu mynd. Þar er tekið á móti gestum með hlýju og gestrisni, og þú færð innsýn í hefðir og trúarbrögð þeirra, auk þess sem þú getur dáðst að litasporklæðum bæjanna og hefðbundnum matargerð.
Einstök náttúra og ósnortið landslag
Frá Lukla liggur leiðin upp í gegnum sjarmerandi þorp og skóga, yfir hengibrýr og meðfram skínandi ám. Ferðamenn fara í gegnum Sagarmatha þjóðgarðinn, sem er á heimsminjaskrá UNESCO og skoða sjaldgæfa gróður- og dýralífið á svæðinu. Gönguferðin leiðir ferðalanga að heillandi Gokyo vötnunum sem skarta græn- og bláum tónum í einstakri kyrrð og umkringd snæviþöktum tindum. Í ferðinni er einnig tækifæri til að klífa Gokyo Ri (5.350 m), sem veitir víðáttumikið útsýni yfir nokkra hæstu tinda heims og stórbrotna jökla.
Áskorun og upplifun
Frá Gokyo liggur leiðin yfir Cho La-skarðið sem er í 5.420 metra hæð. Gönguleið sem er krefjandi en verðug áskorun fyrir þá sem elska ævintýri. Þetta er óviðjafnanleg gönguleið í gegnum grýtt landslag og jökla, sem sameinast að lokum klassísku leiðinni til grunnbúða Everest. Að ná þessum áfanga er ógleymanleg upplifun. Að lokum liggur leiðin áfram að takmarkinu sjálfu – grunnbúðum Everest í gegnum stórbrotið landslag meðfram Khumbu-jöklinum, þar sem þú munt sjá ísilögð gil og hrikalegar jökulrákir. Þegar komið er í grunnbúðirnar, staðsettar í um 5.364 metra hæð, upplifir þú einstaka stemningu. Táknrænn áfangastaður fyrir alla göngugarpa og það að standa á þessum stað fyllir ferðamanninn stolti að hafa náð takmarkinu.
Hápunktar ferðarinnar
-
Ævintýralegt flug frá Kathmandu til Lukla
-
Heimsóknir í sjarmerandi þorp og klaustur Sherpa-fólksins.
-
Gönguferð um Sagarmatha þjóðgarðinn sem er á heimslista UNESCO
-
Færri ferðamenn á gönguleið Gokyo en á hefðbundnu leiðinni.
-
Glæsilegt útsýni yfir átta af tíu hæstu fjallatindum heims
-
Gokyo dalurinn og Gokyo vötnin
-
Ótrúlegt útsýni af Gokyo Ri tindinum 5.357 metrar
-
Cho La fjallskarðið 5.420 metrar
-
Grunnbúðir Everest 5.364 metrar
-
Einstakt útsýni frá Kala Patthar 5.545 metrar
-
Tilkomu mikið útsýni yfir Khumbu jökulinn
-
Töfrandi útsýni yfir Everest 8.849 metra og aðra stórkostlega tinda yfir 8.000 metra
-
Ævintýralegt þyrluflug frá Namche Bazaar til Kathmandu
Þessi ferð býður upp á einstakt tækifæri til að upplifa bæði hina gríðarstóru fegurð Himalayafjalla og menningu þeirra sem búa í skugga Everest. Ferð sem skilur eftir djúpstæð áhrif, ógleymanlegar minningar og löngun til að snúa aftur.
Göngudagarnir eru mis erfiðir og þeir geta verið langir og krefjandi í hæð. Þátttakendur þurfa að vera í mjög góðu formi fyrir þessa ferð. Þótt að farangur sé trússaður á milli gististaða þá eru sumar dagsleiðirnar krefjandi.
Greiða þarf staðfestingargjald til að festa sæti við bókun, staðfestingargjaldið er 49.000 kr og er óendurkræft. Lokagreiðsla 400.000 kr þarf að greiða fyrir 13. ágúst 2025. Hægt að skipta greiðslum. Til að fá frekari upplýsingar er hægt að senda póst á ferdasetrid@ferdasetrid.is
Lágmarksfjöldi 8, hámark 12
Fararstjórn: Edith Gunnarsdóttir, Elinas Jackson og Sherpar frá Nepal
Verð 449.000 kr*
* miðað við tvíbýli, aukakostnaður fyrir einbýlí á hóteli er 40.000 kr.
Innifalið í verði
-
Undirbúningsfundur
-
2x gönguferðir fyrir ferðina
-
Akstur til og frá hóteli (fyrir þau flug sem Ferðasetrið mælir með)
-
Gisting í 2 nætur á 5 stjörnu hóteli í Kathmandu með morgunmat
-
Kvöldverður fyrsta kvöldið
-
Flug til og frá Kathmandu til Lukla
-
Akstur frá hóteli à flugvöll fyrir og eftir göngu
-
Þjóðgarðsgjöld
-
Erlendir og íslenskir leiðsögumenn
-
Burðarmenn
-
Allur matur á meðan á göngu stendur
-
Gisting í tehúsi (ekki hægt að fá einbýli þar)
-
Súrefnistankar
-
Duffle taska
-
Lán á svefnpoka, göngustöfum og dúnúlpu
Ekki innifalið í verði
-
Flug til Kathmandu - Ferðasetrið aðstoðar með flug
-
Þyrluflug frá Namche til Lukla
-
Visaáritun (kostar $50)
-
Auka nætur á hóteli í Kathmandu
-
Matur á frídegi í Kathmandu fyrir og eftir gönguferð
-
Drykkir í gönguferð
-
Þjórfé
Mikilvægar upplýsingar
Bólusetningar og lyf: Mikilvægt er að hafa samband við heilsuhægslustöð varðandi bólusetningar og lyf. Einnig er hægt að hafa samband við Vinnuvernd/Ferðavernd og bóka viðtal /ráðgjöf vegna bólusetningar hægt að sjá hér:
https://www.vinnuvernd.is/en_GB/bolusetningar-ferdalog
Vegabréf: Þarf að vera í gildi 6 mánuði eftir að viðkomandi lendir í Nepal
Vegabréfsáritun: Sækja þarf um vegabréfsáritun til Nepal. Viðkomandi fyllir út umsókn á netinu (sér umsókn fyrir maka og börn). Með umsókn þarf að fylgja passamynd(má vera tekin á síma eða af FB), mynd af vegabréfi og flugmiði(pdf skjal). Hægt að sækja um hér:
https://nepaliport.immigration.gov.np/onlinevisa-mission/application
Sérstakar tryggingar: Þáttakendur þurfa að hafa sérstakar tryggingar þegar gengið er í hæð. Ferðasetrið veitir upplýsingar/aðstoð um hvaða tryggingarfélög hafa hafa komið best út.
A.T.H að þátttakendur vita aldrei fyrirfram hvernig líkaminn bregst við í hæð og geta göngumenn orðið veikir á göngu og það getur verið lífshættulegt að ganga í hæð. Ferðasetrið kaupir þjónustu af erlendri ferðaskrifstofu sem hefur mikla reynslu af göngum í hæð og hafa leiðsögumenn súrefni með í för. Elinas leiðsögumaður hjá Ferðasetrinu með sérstaklega mikla reynslu af göngum í hæð og háfjallaveiki.
Dagskrá
Ferðadagur - Flug frá Íslandi til Kathmandu. Ferðasetrið getur aðstoðað með flug. Ferðasetrið mælir með því að fljúga út 2 dögum áður en ferðin byrjar og hafa 1 auka dag til að hvíla sig eftir langt flug
Dagur 1. Mánudagur 13. október. Kathmandu
Ferðin byrjar í Kathmandu. Skoðunarferð um Thamel Bazaar. Seinni partinn er kynning á ferðinni og sameiginlegur kvöldverður.
Innifalið: Akstur, skoðunarferð, kvöldverður, gisting á hóteli með morgunmat
Dagur 2. Þriðjudagur 14. október. Kathmandu - Lukla - Phakding (2.600 m)
Byrjum daginn snemma á ævintýralegu flugi til Lukla frá Kathmandu. Flugið býður upp á stórbrotið útsýni yfir Himalayafjöllin, þar á meðal Everest. Flugið tekur 45 mínútur. Þegar við komum til Lukla munum við hitta restina af okkar teymi sem verður með okkur í gönguferðinni. Göngum til Phakding.
Gönguvegalengd: 9 km
Gönguhækkun: 500 m
Göngutími: 4 klst
Innifalið: Akstur, þyrluflug til Lukla, gisting í tehúsi, morgun-, hádegis og kvöldmatur, trúss og leiðsögn
Dagur 3. Miðvikudagur 15. október. Phakding - Namche Bazaar (3.400 m)
Gengið meðfram Dudh Koshi ánni, í gegnum fjölmörg þorp, klaustur og hengibrýr. Á leiðinni til Benkar þorpsins fáum við fallegt útsýni yfir Himalayafjöllin. Í Monjo verða gönguleyfin okkar skoðuð og síðan förum við inn í Sagarmatha þjóðgarðinn og göngum til Namche Bazaar þar sem er gist í tvær nætur
Gönguvegalengd: 14 km
Gönguhækkun: 1500 m
Göngutími: 9 klst
Innifalið: Gisting í tehúsi, morgun-, hádegis- og kvöldmatur, trúss og leiðsögn
Dagur 4. Fimmtudagur 16. október. Hæðaraðlögun í Namche Bazaar (3.500 m) - Khunde (3.840 m) - Edmund Hillary Viewpoint (4.200 m)
Þennan dag nýtum við í aðlögun. Við göngum upp að Everest View hótel sem er í 3.880 metra hæð og þaðan upp að Edmund Hillary Viewpoint sem er í 4.200 metra hæð. Stórkostlegt útsýni yfir Everest og fleiri tinda. Göngum aftur niður í Namche Bazaar.
Gönguvegalengd: 12 km
Gönguhækkun: 750 m
Göngutími: 6 klst
Innifalið: Gisting í tehúsi, morgun-, hádegis- og kvöldmatur, trúss og leiðsögn
Dagur 5. Föstudagur 17. október. Namche Bazaar - Dole (4.000 m)
Frá Namche er gengið til Shyanboche og síðan í Khumjung sem er stærsta þorpi svæðisins. Yfir Khumjung gnæfir hinn heilagi tindur Khumbilya (5.761m). Heimsækjum Khumjung klaustrið áður en við höldum göngunni áfram til Dole þar sem við gistum.
Gönguvegalengd: 13 km
Gönguhækkun: 1000 m
Göngutími: 7 klst
Innifalið: Gisting í tehúsi, morgun-, hádegis- og kvöldmatur, trúss og leiðsögn
Dagur 6. Laugardagur 18. október. Dole - Machermo (4.470 m)
Við göngum upp úr Dole-dalnum meðfram Dudh Koshi ánni. Förum í gegnum dásamleg þorp þar til við komum að Machermo. Eftir hádegismat er farið í aðlögunargöngu upp í 4.700 m og aftur niður í Machermo þar sem er gist.
Gönguvegalengd: 6,5 km (Machermo) og 3,5 km (aðlögunarganga)
Gönguhækkun: 500 m og 280 m
Göngutími: 4 klst og 2,5 klst
Innifalið: Gisting í tehúsi, morgun-, hádegis- og kvöldmatur, trúss og leiðsögn
Dagur 7. Sunnudagur 19. október. Machermo - Gokyo (4.750m)
Stutt ganga frá Machermo dalnum upp brattar grashlíðar Dudh Kosi dalsins. Dalurinn stækkar eftir því sem þú ferð í gegnum Pangka (4.390m) og áfram að Ngozumpa-jökulsins, sem er sá stærsti í Nepal og er upptök Dudh Kosi árinnar. Gengið er yfir slóð vestan megin við jökulinn að Gokyo (4.750m) þar sem er gisting í tvær nætur.
Gönguvegalengd: 8 km
Gönguhækkun: 500 m
Göngutími: 5 klst
Innifalið: gisting, morgun-, hádegis- og kvöldmatur
Dagur 8 . Mánudagur 20. október. Gokyo (4.750 m) - Gokyo Ri (5.357m) - Gokyo (4.750 m)
Dagurinn tekin snemma, göngum á Gokyo Ri tindinn sem er með eitt besta útsýni af Khumbu-svæðinu og er oft talinn hápunktur ferðarinnar af mörgum. Þetta er stutt en krefjandi ganga og vel þess virði með stórkostlegt útsýni yfir fjóra 8.000 metra plús tinda - Everest (8.849 m), Cho-Oyo (8.153 m), Lhotse (8.511 m) og Makalu (8.481 m). Einstakt útsýni yfir Gokyo vötnin og Ngozumpa jökulinn. Þú ferð aftur niður til Gokyo þar sem við sofum aðra nótt.
Gönguvegalengd: 5,5 km
Gönguhækkun: 600 m
Göngutími: 5 klst
Innifalið: Gisting, morgun-, hádegis- og kvöldmatur, trúss og leiðsögn
Dagur 9. Þriðjudagur 21. október. Gokyo - Dragnag (4.700m)
Eftir morgunmat göngum við til Dragnag. Stuttur göngudagur og á þessari dagleið er töfrandi útsýni yfir Everest Makalu, Lhotse og fleiri tinda. Gengið er yfir Ngozuma jökulinn og áfram upp hlíðina að Dragnag þar sem við gistum. Við komum snemma á náttstað og fáum tækifæri til að hvílast vel fyrir næsta dag sem er einn sá erfiðasti í göngunni.
Gönguvegalengd: 5 km
Gönguhækkun: 200 m
Göngutími: 4 klst
Innifalið: Gisting í tehúsi, morgun-, hádegis- og kvöldmatur, trúss og leiðsögn
Dagur 10. Miðvikudagur 22. október. Dragnag - Cho La Pass (5.420 m) - Dzongla Kharka (4.730 m)
Eftir morgunmat er gengið upp í fjallaskarðið Cho La Pass sem er í 5.420 metra hæð, yfir skarðið og niður í Dzongla. Þessi göngudagur er mesta áskoruninni í gönguferðinni. Njótum útsýnisins í fjallaskarðinu áður en við göngum niður þar sem við gistum í Dzongla
Gönguvegalengd: 12 km
Gönguhækkun: 900 m
Göngutími: 9 klst
Innifalið: Gisting í tehúsi, morgun-, hádegis- og kvöldmatur, trúss og leiðsögn
Dagur 11. Fimmtudagur 23. október. Dzongla - Lobuche (4.928 m)
Eftir morgunmat er gengið til Lobuche, þetta er stuttur göngudagur sem er vel þegin eftir að hafa sigrað Cho La fjallaskarðið. Á þessum göngudegi sameinumst við aðal gönguleiðinni upp í grunnbúðir Everest. Þar upplifum við meiri traffík en síðustu daga í gegnum Gokyo Lake. Við komum snemma á náttstað til að hvíla sig vel fyrir aðal markmiðið í ferðinni: Grunnbúðir Everest daginn eftir.
Gönguvegalengd: 7 km
Gönguhækkun: 400 m
Göngutími: 5 klst
Innifalið: Gisting í tehúsi, morgun-, hádegis- og kvöldmatur, trúss og leiðsögn
Dagur 12. Föstudagur 24. október. Lobuche - Gorakshep (5.140m) - Everest grunnbúðir (5.364 m) - Gorakshep
Þetta er stóri dagurinn, gangan í grunnbúða Everest. Gengið frá Lobuche í gegnum breiðan dal sem liggur samsíða Khumbu jöklinum. Nokkrar litlar hækkanir og göngum slóða með vörðum sem að lokum leiðir að Gorakshep (5.160m) sem tekur um 3 klukkustundir. Nú er rétti tíminn til að grípa fljótlegan bita, búa sig á viðeigandi hátt og halda svo af stað aftur að Everest grunnbúðum. Gangan upp í grunnbúðir tekur um 4 klukkustundir. Frá grunnbúðum Everest er EKKI útsýni yfir Mount Everest, en þú getur séð glæsilega jökla, vötn, hella og Khumbu jökulinn. Göngum aftur til Gorkshep þar sem við gistum.
Gönguvegalengd: 15 km
Gönguhækkun: 700 m
Göngutími: 10 klst
Innifalið: Gisting í tehúsi, morgun-, hádegis- og kvöldmatur, trúss og leiðsögn
Dagur 13. Laugardagur 25. október. Gorkshep - Kala Patthar (5.545m) - Pheriche (4.358m)
Fyrir þau ykkar sem hafa ekki fengið nóg, þá er í boði að ganga á Kala Patthar í 5.545 metra hæð. Þá er dagurinn tekin snemma, lagt af stað um kl. 4 til að sjá stórkostlega sólarupprás frá Kala Pattar yfir Mount Everest. Gengið aftur niður í Gorkshep í morgunmat. Eftir morgunmat er gengið niður í Pheriche,
Gönguvegalengd: 4 km (Kala Patthar) og 14 km (til Pheriche)
Gönguhækkun: 500 m og 400 m
Göngutími: 4 klst og 6,5 klst
Innifalið: Gisting í tehúsi, morgun-, hádegis- og kvöldmatur, trúss og leiðsögn
Dagur 14. Sunnudagur 26. október. Pheriche - Namche Bazaar (3.500 m)
Frá Pheriche er gengið yfir Khumbu Khola ána, farið upp á lítinn hrygg, þar er frábært útsýni yfir Imja-dalinn, Ama Dablam og Kantega. Gengið til Thyangboche. Samkvæmt goðsögninni stofnaði Lama Sange Dorjee, sem kom frá Rongphu-klaustrinu í Tíbet, Thyangboche-klaustrið á 17. öld. Við heimsækjum klaustrið og nærliggjandi safn. Gengið áfram til Namche Bazaar þar sem við gistum loka nóttina í Himalaya fjallgarðinum.
Gönguvegalengd: 21 km
Gönguhækkun: 1400 m
Göngutími: 9 klst
Innifalið: Gisting í tehúsi, morgun-, hádegis- og kvöldmatur, trúss og leiðsögn
Dagur 15. Mánudagur 27. október. Namche Bazaar - Kathmandu
Eftir morgunmat þá tökum við þyrlu frá Namche til Katmandu. Tékkum okkur aftur inn á sama hótel. Frjáls dagur í Kathmandu. Lokakvöldverður
Innifalið: Þyrluflug til Kathmandu, akstur á hótel, gisting á hóteli með morgunmat
Dagur 16. Þriðjudagur 28. október. Kathmandu
Frjáls dagur í Kathmandu
Innifalið: Gisting á hóteli með morgunmat
Ferðadagur - Ferðasetrið mælir með því að fljúga út 1-2 dögum áður en ferð hefst. Það geta komið tafir á flugi frá Lukla og Namche til Kathmandu. Einnig er tilvalið að hvíla sig örlítið fyrir flug heim og njóta þess sem Kathmandu býður upp á. Ferðasetrið mælir með að kaupa flug út 11.10.2025, lenda í Kathmandu 12.10.2025. Fljúga heim 29.10.2025 og koma til Íslands 30.10.2025