​

Dagskrá:

​​

​​

Dagur 1. Fimmtudagur 5. júní 2025

​​

Ferðadagur, flug frá Íslandi til Tansaníu.

​​

Dagur 2. Föstudagur 6. júní 2025

Velkomin til Tansaníu. Ævintýrið hefst í heillandi borginni Arusha, sem er hjarta safarílandsins Tansaníu. Eftir að hafa bókað okkur inn á hótelið, förum við í gönguferð um miðbæinn þar sem við skoðum litríkt markaðstorg sem iðar af lífi og menningu. Við heimsækjum einnig Cultural Heritage Centre, stærsta listasafn Afríku, þar sem þú færð að dást að gríðarlegu safni afrískrar listar og menningar. Þetta er einstakt tækifæri til að kynnast sögu, handverki og skapandi andanum sem mótar þennan fjölbreytta heimshluta.

Þetta er fullkominn dagur til að komast í tengsl við lífið í Tansaníu, með blöndu af menningu, list og afslöppun.

​​

Innifalið: akstur, skoðunarferð, hótelgisting með morgunmat

​​

Dagur 3. Laugardagur 7. júní 2025

Dagurinn hefst á stórbrotnu safaríævintýri í Arusha þjóðgarðinum, sem liggur við rætur hins tignarlega Mt. Meru. Þessi þjóðgarður, sem er staðsettur á hásléttum með ótrúlegu útsýni yfir umhverfið, býður upp á einstaka upplifun þar sem náttúra og dýralíf mætast á heillandi hátt.

Við leggjum upp í stutta göngu þar sem við fáum einstakt tækifæri til að komast í nálægð við sum af stórkostlegustu dýrum Afríku. Hér má sjá tignarlega gíraffa teygja hálsana í átt að trjátoppunum, kröftuga buffalo í sínum náttúrulegu búsvæðum og mörg önnur villt dýr sem lifa í sátt við þessa grænu paradís.

​​

Eftir ævintýralega heimsókn í þjóðgarðinn keyrum við út úr Arusha og förum upp á hásléttur Karatu, þar sem við munum dvelja næstu þrjár nætur á einstöku sjálfbærnu hóteli. Þetta hótel er meira en bara gististaður – það er sannkölluð upplifun fyrir þá sem kunna að meta náttúru, sjálfbærni og þægindi. Allt hráefni sem notað er í matargerðina er ræktað á staðnum, og maturinn er í hæsta gæðaflokki, undir áhrifum „slow cooking“ þar sem áherslan er á ferskleika, bragð og gæði. Hvert máltíð verður sannkölluð veisla fyrir bragðlaukana. Þjónustan á hótelinu er persónuleg og framúrskarandi, og hver dagur endar með stórkostlegu sólsetri sem lýsir himininn með rauðum, appelsínugulum og gylltum tónum – upplifun sem fyllir hjartað friði.

​​​​

Innifalið: gisting á hóteli, morgun- og hádegismatur. Leiðsögn og akstur

​​​​

Dagur 4. Sunnudagur 8. júní 2025

Dagurinn byrjar á dásamlegu morgunverðarhlaðborði þar sem þú nýtur ljúffengra rétta í friðsælu umhverfi áður en lagt er af stað í næsta ævintýri. Við höldum til Tarangire þjóðgarðsins, sem er þekktur fyrir sína miklu fjölbreytni villtra dýra og sérstaklega stórar fílahjarðir sem gera þennan garð einstakan. Þennan stórkostlega dag keyrum við í gegnum garðinn í sérútbúnum safaríbílum og fylgjumst með villtu dýrunum í sínu náttúrulega umhverfi. Hér gefst þér einstakt tækifæri til að sjá fílana ganga frjálsa á hásléttunum, sebrahesta á beit, ljón og önnur dýr. Landslagið í Tarangire er óviðjafnanlegt, með fallegum baobab-trjám og hlykkjóttri Tarangire ánni sem myndar lifandi ramma um dýralífið.

​

Eftir ógleymanlegan dag í Tarangire keyrum við aftur á hótelið okkar í Karatu. Þar er tilvalið að slaka á og njóta alls þess sem hótelið hefur upp á að bjóða – hvort sem það er dásamleg máltíð, sólsetrið eða einfaldlega friðsælt andrúmsloftið á þessu einstaka svæði.

​​​​

Innifalið: gisting á hóteli, morgun og hádegismatur. Leiðsögn og akstur.

​​​​

Dagur 5. Mánudagur 9. júní 2025

Eftir ljúffengan morgunmat leggjum við af stað inn á Ngorongoro náttúruverndarsvæðið, sem er skráð á heimsminjaskrá UNESCO. Þetta svæði er einstakt á heimsvísu og þekkt fyrir stærsta gíg í heimi, þar sem villt dýr og menn lifa saman í sátt og samlyndi – staður sem fangar bæði fegurð og kraft náttúrunnar. Við byrjum daginn á heimsókn í þorp Massai ættbálksins sem hefur varðveitt sínar fornu hefðir og kýs að lifa án allra nútímaþæginda. Hér fáum við innsýn í lífsstíl þeirra, menningu og siði sem gefur ferðinni einstakan menningarlegan blæ. Að heimsókn lokinni keyrum við niður í hið stórfenglega Ngorongoro-gíg, þar sem náttúran opinberar sig í sinni allra bestu mynd. Þessi einstaka staður er heimili ótrúlega fjölbreytilegs dýralífs. Hér fáum við tækifæri til að sjá ljón, buffalo, sebrahesta, nashyrninga, flamingóa, hlébarða, flóðhesta og fleiri tegundir í sínu náttúrulega umhverfi. Ef heppnin er með okkur getum við jafnvel séð öll „The Big 5“ – ljón, nashyrning, fíla, hlébarða og buffala – í einni heimsókn. Dagurinn er algjörlega óviðjafnanleg upplifun og verður án efa minning sem varir að eilífu.

​​

Eftir magnaðan dag í Ngorongoro keyrum við aftur á hótelið okkar í Karatu, þar sem afslöppun og rólegheit taka við. Það er tilvalið að skella sér í sundlaugina, slaka á með svalandi drykk í hendi og njóta. Kvöldið endar á dásamlegum kvöldverði, þar sem ljúffengir réttir úr fersku, staðbundnu hráefni eru í forgrunni. Þetta er hinn fullkomni endir á ævintýraríkum og ógleymanlegum degi.

​​​

Innifalið: gisting á hóteli, morgun og hádegismatur. Leiðsögn og akstur

​​​

Dagur 6. Þriðjudagur 10. júní 2025

Eftir ljúfan morgunmat pökkum við saman og kveðjum þetta einstaka hótel, með hjartað fullt af minningum. Við keyrum aftur til Arusha og stoppum við rætur Mt. Meru á kaffiplantekru þar sem þú færð að upplifa ferlið „frá bónda í bolla“. Þú munt sjá hvernig kaffibaunir eru ræktaðar, týndar og unnar með alúð og færð að smakka ferskt, ilmandi kaffi á staðnum. Á plantekrunni færðu einnig tækifæri til að njóta matargerðar sem kitlar bragðlaukana að hætti heimamanna. Þessi heimsókn er ekki bara fyrir bragðlaukana, heldur veitir hún innsýn í lífsstíl og hefðir Tansaníu sem þú munt seint gleyma.

​

Eftir ljúffengan hádegisverð gerðan eftir heimaháttum höldum við áfram ferð okkar. Við keyrum á flugvöllinn í Arusha og fljúgum til paradísareyjunnar Zanzibar. Við lendingu bíður okkar loftkæld rúta sem keyrir okkur á norðurhluta eyjarinnar, þar sem paradís bíður með sínum hvítu ströndum og tærbláa sjónum. Þessi dagur er fullur af upplifunum sem tengja saman ævintýri, menningu og afslöppun – hinn fullkomni millikafli á leið til draumaeyju.

​​​

Innifalið: gistinga á hóteli með morgunmat. Leiðsögn, akstur, skoðunarferð og flug til Zansibar

​​​​

​​​

Dagur 7. Miðvikudagur 11. júní 2025

Paradísareyjan Zanzibar – Fullkomin slökun í Indlandshafi. Eftir ævintýralega safaríferð er dásamlegt að slaka á í þessu nærandi umhverfi, þar sem allt snýst um afslöppun, vellíðan og fegurð. Það er um að gera að nýta daginn til að njóta alls þess sem hótelið hefur upp á að bjóða og uppgötva þetta stórkostlega svæði. Á hótelinu er allt innifalið – matur, drykkir og fjölbreytt afþreying. Hótelgarðurinn er til fyrirmyndar, með útpældu landslagi og rólegri stemningu sem umlykur gesti. Hótelsvæðið státar af einkaströnd, þar sem þú getur notið tærblás hafsins og mjúkrar sólar. Þar eru einnig nokkrir framúrskarandi veitingastaðir, barir, spa, og líkamsræktarstöð. Að auki eru í boði hreyfitímar, eins og jóga, vatnsleikfimi og fleira í þeim dúr sem gerir daginn fjölbreyttan og skemmtilegan. Fyrir þau sem vilja njóta ævintýra á vatni eru fjölmargar ókeypis afþreyingar, þar á meðal paddle board, snorklun, hjólabátar og kayak. Þetta er fullkominn staður til að endurhlaða batteríin, njóta lífsins og leyfa paradísinni að slá um sig með allri sinni fegurð. Zanzibar býður ekki bara upp á afslöppun heldur heildarupplifun sem hentar öllum sem vilja njóta lífsins í botn.

​​​

Innifalið: allt innifalið á hóteli, matur, drykkir og sjósport

​​​

Afþreying: hægt að bóka skoðunarferðir (greiðist sér)

​​

Dagur 8. Fimmtudagur 12. júní 2025

Frjáls dagur til að njóta Zanzibar. Eftir að hafa endurnært líkama og sál með slökun og hvíld er tilvalið að nýta þennan dag til að skoða allt það sem Zanzibar hefur upp á að bjóða. Eyjan er ekki aðeins þekkt fyrir stórkostlegar strendur heldur líka fyrir ríka sögu og menningu – og er fæðingarstaður tónlistargoðsagnarinnar Freddie Mercury.

Hér er úrval af spennandi afþreyingu:

• Siglingar á glitrandi hafinu, þar sem þú getur notið sjávarlofts og útsýnis.

• Stone Town, höfuðstaður Zanzibar og heimsminjaskrá UNESCO, býður upp á heillandi gönguferðir um þröng stræti, markaði og sögulega staði.

• Freddie Mercury safnið, þar sem þú færð innsýn í líf þessa heimsfræga tónlistarmanns.

• Prison Island, þar sem þú getur séð risaskjaldbökur og notið útsýnis yfir tæran sjó.

• The Rock veitingarstaðurinn, einstakur staður sem stendur á kletti úti í sjónum og býður upp á dásamlega máltíð í óviðjafnanlegu umhverfi.

• Fiðrildabúgarður, þar sem litríkar fiðrildi dansa um í gróðursælum garði.

• Kryddskoðunarferðir, þar sem þú lærir um ræktun hinna heimsþekktu krydda eyjunnar.

• Synda með höfrungum, einstakt tækifæri til að komast í návígi við þessi heillandi sjávarspendýr.

Þetta er aðeins hluti af því sem Zanzibar hefur upp á að bjóða. Dagurinn gefur þér tækifæri til að kanna eyjuna á eigin forsendum, fylla hann af ævintýrum eða einfaldlega halda áfram að njóta afslöppunar í þessari paradís. Veldu þína leið – Zanzibar er fullkomin blanda af hvíld og ævintýri.

​​

Innifalið: allt innifalið á hóteli, matur, drykkir og sjósport

​​

Afþreying: hægt að bóka skoðunarferðir (greiðist sér)

​​

​​

Dagur 9. Föstudagur 13. júní 2025

Á þessum frjálsa degi geturðu nýtt tímann til að slaka á, njóta lífsins og kanna það sem Zanzibar hefur upp á að bjóða. Fyrir þau sem vilja enda daginn á ógleymanlegan hátt, þá býður ferðasetrið upp á sólseturs siglingu klukkan 16:00 – upplifun sem færir þig nær heillandi menningu eyjunnar.

Þessi einstaka sigling er á hefðbundnum dhow-bát, þar sem allt er að hætti heimamanna. Á meðan þú siglir á fagurbláum sjónum og horfir á sólina hverfa hægt í sjóndeildarhringinn, leikur heillandi hljómsveit á handgerð hljóðfæri og skapar óviðjafnanlega stemningu. Þetta er upplifun sem fangar anda Zanzibar – sambland af náttúrufegurð, menningu og lifandi tónlist. Ég mæli eindregið með því að þú grípir þetta tækifæri, því þetta er sannarlega stórkostlegt augnablik sem þú munt aldrei gleyma

​​

Innifalið: allt innifalið á hóteli, matur, drykkir og sjósport. Sólseturs sigling​

​​​

Dagur 10. Laugardagur 14. júní 2025

Á þessum frjálsa degi geturðu nýtt tímann til að slaka á, njóta lífsins og kanna það sem Zanzibar hefur upp á að bjóða. Síðast kvöldið á þessari einstöku eyju.​

​

Innifalið: allt innifalið á hóteli, matur, drykkir og sjósport. 

​

Dagur 11. Sunnudagur 15. júní 2025

Frjáls morgun og um hádegisbil er komið að kveðjustund við þessa stórkostlegu paradísareyju og við höldum út á flugvöll til að fljúga aftur til Arusha. Þar förum við aftur á sama hótel og í byrjun ferðarinnar. Lokakvöldverður á hóteli í Arusha og kvöldið er tilvalið til að slaka á, endurspegla ferðalagið og pakka saman fyrir flugdaginn eftir. Þetta er góð stund til að njóta lokakaflans í ferð sem hefur verið fyllt af ævintýrum, slökun og minningum sem vara að eilífu.

​​​

Innifalið: allt innifalið á hóteli á Zansibar, matur, drykkir og sjósport. Gisting á hóteli í Arusha

​​​

Dagur 12. Mánudagur 16. júní 2025

Ferðadagur, flug frá Tansaníu til Íslands.

​​​​

Dagur 13. Þriðjudagur 17. júní 2025​

Lendum í Keflavík. Velkomin heim og Gleðilegan 17. júní